,, يا مرحباااااا مرحبا بالطش والرش,,, ,,هلا ارحب غلا واهلين,,
هاذا اول موضوع لي في المنتدى اللي حبيته من اول نظره<<حركات والله من اول نظره
والي زاد حبي له احسن صحبه لي يجي منها صديقة العزيزه من اعضاء هاذا المنتدى ..!!
في البدايه اعرفكم بنفسي انا اصلي من الرياض بس عايشه بجده ادرس بحوش عزوز للتفاهات بجميع انواعها احب اعرفكم التخصصات الموجوده بحوش عزوز اختصاص رفع الضغط والمراره والسكري والصداع وقلة الادب واللي ماله داعي وناس ما عندها ما عند جدتي الا بعد جدتي عندها احسن منهم
هالايام الاجوااااااااااااء صافيه بالنسبه لي كل شي بغيته صااااار من ناحية التخصص ولله الحمد والله الى الان ما ني مصدقه اني تخصصت حاسب الله يستر منه لدرجة انه كل اللي حولي مبسوط الا انا ماني مصدقه احاول اسوي لنفسي جلسات علاجيه عشان استوعب اني دخلت حاسب قبل الهم ما يبدأبدايه السنه اساسا انا حاسه اني ما ادري وين الله حاطني في الجامعه ذي زي الاطرش بالزفه ترى حلو ذا الاحساس ما انت شايل هم كل يوم يطلع شي وانت مانت داري وش القصه فيه
على طاري الاطرش بحكيكم مواقف اول يوم بالدراسه بالجامعه لي ولصحباتي كل موقف يفطس ضحك اكثر من الثاني
رح ابدأبنفسي اول يوم طبعا في البدايه انا اخوي يدرس صيدله يعني عارف النظام قبلي في الليل سألته اذا اروح اول يوم والا لأ قالي ما يروح اول يوم الا البقر امثالك قلت طيب <<وش اسوي ماشيه على المثل القائل اسأل مجرب ولا تسأل طبيب ,,وخلاص ماني رايحه المهم وتجي الساعه وحده بالليل ويدق التلفون ارفع السماعه وحده من صحباتي مسجله معانا في الجامعه قالتلي بكره بتروحين قلتلها لأ قالت ليش؟؟ فلت اخوي يقول ما احد يروح الجامعه اول اسبوع وطبعا ما قلتلها بماذا نعت الذين يذهبون الى الجامعه قالتلي لا انا بكره رايحه صحبة اختي في الجامعه تقول بكره يجون يشوفون القاعات والا ستاذات قلتلها خلاص بنروح بكره <<<لسا ما تركت دوفرة ايام الثانوي لساعايشه الدور على بالي بيصفونا طوابير ههههههه
المهم قمت وتكشخت ومانمت من كثر التفكير مو في الجامعه بل وش بلبس كل الملابس عاجبتني ودي البسها كلها مره وحده في النهايه رسييت على بر وقررت البس محشم كم طويل وتنوره طويله <<مسويه فيها نظاميه من اول يوم اللي يشوفك الحين تدورين على المخالفه عشان تخالفين,, وتجي الساعه سبعه واروح مع ابوي للجامعه<<مو قلت لسا محسبه نفسها ثانوي , وطبعا الجامعه فيها اكثر من بوابه دخلنا مع اول بوابه دخلناها يوم التسجيل وكانت بوابة الطب الحلم الذي تبخر على درجة الصفر ويقوم ابوي ويطالع الكليات وين العلوم ونسأل سكيورتي في لجامعه ويدلنا على قسم الطالبات وقال لنا ادخلوا مع البوابه الرئيسيه واول باب على يدكم اليمين ونروح المهم وادخل قسم الطالبات والقى حريم يسدن النفس قلت هاذا اولها لا بالله كديت خير بالجامعه واطلع هالبطاقه اللي صورتي فيها كأني .......ما رح اقول مراعاة لمشاعري وامشي مع البنات<<< مع الخيل ياشقراء وانا ماني داريه على بالي قسم الطالبات ذا كله كلية علوم وامشي مع البنات امشي الا في زي المفرق يودي لكذا اتجاه والبنات اتفرقوا فلت والله الورطه وين اروح ذلحين امشي مع ذولا والا ذولا وش اسوي وش الدبره وامسك بنت واسألها بكل لطف <<اسملى عليكي اليفه ..وين كلية العلوم وماقصرت والله دلتني عليها ومشيت الين دخلتلها واطالع وبعدين يعني وين اروح ما في غير ادق على صحبتي اللي اتصلت علي في الليل واشوف وينها ودقيت عليها وقلتلها على اساس انها دخلت حاسب وهي ما قالتلي شلون النظام في جامعتنا واقولها لالالالالالالا يا غبيه اسألي السكيورتي وين كلية الحاسب تفوليلي البنت انا معاكي علوم اقولها لالا انتي حاسب <<<اما علي دلاخه مو على احد ,,وبعدلسا ما اقتنعت قولتلها خلاص انتي حره واثقه من نفسي يا حليلي ووصفت لها البوابه ونتقابل كل وحده تطالع بالثانيه مستغربين اشكالنا اول مره نشوف بعض بدون مريول وندخل وانا ماني داريه وش الدنيا به وتقولي جبتي جدولكي قلت لا من وين اجيبه <<<يالله على دور الثانويه اللي ما انتي قادره تخلصين منه ...ونروح على المكتبه المركزيه وانزله واجيبه وانا طبعا الاطرش وبالصدفه يطلع جدولي زي جدولها بالزبط ونرجع على العلوم على اساس بندور القاعات وين وتبدأرحلة البحث حسييييييت اني دخلت متاهه ونمشي ونسأل يمكن ما خلينا بنت ما سألناها وكل وحده تودينا ديره شكل الي تطلعنا واللي تنزلنا وانا عاد ذبحتني رجولي لابسه جزمه جديده الله يكرمكم مو على مقاسي قمت امشي واتفقفق والنهايه جلست على الدرج وقامت صحبتي تدور على القاعات وبعدين رجعتلي بعد ما اخذت قسط من الراحه وقعدنا نمشي ونسأل وسألنا وحده وليتنا ما سألناها طلعت زينا مو داريه وين الله قاطها وقالت لنا خلاص انا بدور معاكم قمت اناظر صحبتي وصحبتي تناظر فيني والله النشبه احنا ماحنا ملحقين على انفسنا بتجي ذي معنا على ان شكلها ضعيفه بس دمها ثقيييييييييييييييييييييييييييييييييييييييييييييييي يييييييل بالمعنى العربي ما بغيناها تمشي معانا وش الدبره الحين ما في غير ان نضيعها وقامت صحبتي وسوت نفسها لقت قااعه قالت خليكم هنا انا بروح واجي غمزت لي وانا طبعا فهمت الاشاره<<فيلم مصري,, راحت وبعدها بفتره قلت للبنت خليكي هنا انا بروح اشوفها وأجي قالت خلاص ضعيفه على نياتها ما درت وش مسوين والحق صحبتي والاقاها ونحط رجولنا وماشافتننا وقلنا خلاص ما صدقنا متى تخلصنا من ذي انا برجع بيتي وارجعي انتي بعد ويوم الا ثنين نكمل مشوار المحبه ذا ونسلم على بعض وارجع البيت واحط راسي وانا م ويوم قمت العصر بدأالتحقيق خبركم اول بنت بالبيت تدخل الجامعه وش شفتي وش صار وانا والله ما اكذب عليكم ذاك اليوم كنت احس بإحساس غريب وجديد بئلبي بيزيد <<اقول بدينا بس بس لايكثر ,,, بس مدي وشنهو هو فرح هو حزن هو صدمه هو خوف !!!! الله اعلم
وعلى كوكتيل المشاعر ذا اترككم وبرجع احكيكم صحباتي وش صار معاهم اول يوم
خلالالالالالالاص تعبت اكتب
دمتم بصحه وعافيه :42deca00a939d73fcfc
توقيع : يجي مني
التعديل الأخير تم بواسطة يجي مني ; 15-Jul-2008 الساعة 04:03 AM
العرض العادي
